Sut mae gwneud cais
Barod i ddatblygu eich datrysiad seiberddiogelwch? Mae’r cyfnod ymgeisio ar agor drwy’r flwyddyn. Defnyddiwch y canllawiau isod i ddechrau arni neu cysylltwch â ni am sgwrs anffurfiol yn gyntaf. Rydym yma i’ch helpu chi i ddechrau arni.
Sut i gyflwyno eich cais
Mae gwneud cais yn syml ac yn hyblyg. Gallwch wneud cais yn ysgrifenedig neu drwy fideo byr, a’r cyfan sydd angen i chi ei wneud yw ateb ychydig o gwestiynau allweddol sy’n ein helpu i asesu eich syniad.
Dylai eich cais fod yn glir, yn benodol, ac yn hawdd ei ddeall:
- Eich manylion personol (ddim yn cael eu rhannu â gwerthuswyr)
- Datganiad clir o’r broblem rydych chi’n ei datrys
- Disgrifiad cryno o’r datrysiad rydych chi’n ei gynnig
- Cyfiawnhad masnachol wedi’i ddiffinio’n dda (pam mae hyn yn bwysig nawr?)
- Unrhyw hawliau neu eiddo deallusol rydych chi’n berchen arnyn nhw neu’n eu defnyddio
P’un a ydych chi’n fyfyriwr, yn ymchwilydd neu’n weithiwr proffesiynol, mae’r pwynt mynediad yr un fath: syniad clir sy’n datrys her go iawn o ran seiberddiogelwch.
Fideos Canllaw
Fideos byr i’ch helpu i lunio cais clir, arloesol, a gafaelgar – o ddatganiadau am y broblem i hyfywedd masnachol ac eglurder ynghylch eiddo deallusol.
Trosolwg o’r Her
Deall strwythur a nodau’r rhaglen
Datganiad am y broblem
Sut mae llunio naratif gafaelgar am yr her
Datganiad am y Datrysiad
Sut mae egluro eich datrysiad mewn datganiad clir a hygyrch
Cyfiawnhad Masnachol
Esboniwch y broblem a sut mae eich syniad yn mynd i’r afael â hi mewn ffordd newydd neu well.
Eiddo Deallusol
Dysgu sut mae rhannu ac amddiffyn eich cyfraniadau
Nodiadau Cyfarwyddyd
Defnyddiwch eich nodiadau cyfarwyddyd i helpu i lunio eich cais. Maen nhw’n egluro beth rydym yn chwilio amdano, sut mae strwythuro eich atebion, a sut mae cyflwyno mewn ffordd sy’n teimlo’n naturiol i chi. P’un ai ydych chi’n gwneud cais yn ysgrifenedig neu ar fideo, mae’r nodiadau hyn yn mynd â chi drwy’r adrannau allweddol gam wrth gam, er mwyn i chi wybod yn union beth i’w gynnwys, a beth i’w hepgor.
Meini Prawf Gwerthuso
Sut bydd eich syniad yn cael ei asesu? Mae ein meini prawf gwerthuso yn glir. Rydym yn sgorio ceisiadau yn ôl eu newydd-deb, eglurder, dichonoldeb, a photensial masnachol, yn ogystal ag a ydyn nhw’n cyd-fynd â’n meysydd her. Llwythwch y meini prawf i lawr i ddeall sut mae penderfyniadau’n cael eu gwneud a beth sy’n rhoi mantais i gais cryf.