Golau ar… ITSUS Consulting
Mae ITSUS Consulting yn BBaCh sy’n gweithredu yn Rhanbarth Prifddinas Caerdydd gyda gweithlu Cymreig cryf, wedi ymrwymo i ddarparu gwasanaethau proffesiynol TGCh i gleientiaid amddiffyn a’r sector cyhoeddus.
Mae ITSUS wedi chwarae rôl allweddol mewn rhaglenni amddiffyn mawr yn y DU, gan bartneru â chwmnïau diwydiannol enfawr fel Airbus ac Aquila ATMS. Mae eu cysylltiadau dwfn ag academia yng Nghymru yn adlewyrchu eu hymrwymiad i feithrin talent leol, gan recriwtio o brifysgolion De Cymru, noddi myfyrwyr PhD, a chefnogi ysgolion lleol drwy’r rhaglen CyberFirst. Mae’r gydberthynas hon ag sefydliadau academaidd yn cyd-fynd â safbwynt y cwmni tuag at dreialu ac arbrofi ac yn sail i set ehangach o werthoedd sy’n seiliedig ar gymhwyso technoleg newydd i ddatrys heriau cwsmeriaid a darparu ymchwil gydweithredol ar gyfer eu sylfaen gwsmeriaid.
Mae ITSUS wedi ymrwymo i ddatblygu ei bobl a meithrin talent o fewn Cymru. Mae cefnogaeth Llywodraeth Cymru ar gyfer arloesi a datblygu sgiliau wedi galluogi ITSUS i wella ei atebion technoleg a chael effaith sylweddol ar ecosystem amddiffyn y DU. Yn ei dro, mae hyn yn helpu ITSUS i arddangos y rôl bwysig y mae Cymru’n ei chwarae yn ecosystem diogelwch seiber, drwy ymgysylltu ehangach ag sefydliadau yn y DU fel UKC3 (UK Cyber Cluster Collaboration) a Chyngor Diogelwch Seiber y DU.
Cyflenwr y gellir ymddiried ynddo
Yn ITSUS Consulting, mae diogelwch wrth wraidd eu darpariaeth ac maent yn gyflenwr diogelwch seiber dilysedig i Lywodraeth Ei Mawrhydi, gydag ardystiadau CE Plus ac ISO 27001. Gyda thîm amlddisgyblaethol sy’n tyfu, maent yn parhau i ehangu ac esblygu eu galluoedd eang i gyd-fynd ag anghenion y farchnad a datblygiadau technolegol. Mae’r addasrwydd hwn wedi ennyn enw da iddynt o fewn amddiffyn a llywodraeth, gan eu galluogi i ehangu eu cwmpas — o rwydweithiau a seilwaith fel eu maes arbenigedd craidd, i feysydd sy’n esblygu’n gyflym megis seiberddiogelwch a gwyddor data. Mae ITSUS yn gweithio gyda chwmnïau byd-eang o fri sy’n arwain mewn amrywiaeth eang o feysydd technoleg, gan roi mynediad iddynt at dechnolegau blaengar a darparu mewnwelediadau heb eu hail ym meysydd rhwydweithiau cyfathrebu IP, profi a gwerthuso, a seiberddiogelwch.
Cylch bywyd prosiect llawn
Gan ddarparu gwasanaethau proffesiynol i gwsmeriaid a phartneriaid sy’n gweithredu yn sector amddiffyn y DU a’r sector cyhoeddus, maent yn cynnig y pecyn llawn o wasanaethau cylch bywyd prosiect — rhywbeth y gall ychydig o ymgynghorfeydd ei ddarparu’n uniongyrchol. Mae eu nod o ddatblygu perthynasau tymor hir, ynghyd â’u hystod o wasanaethau TGCh, yn rhoi’r cyfle iddynt gefnogi cwsmeriaid o greu achosion buddsoddi drwy i gyflwyno systemau a gwasanaethau sy’n hollbwysig i fusnesau’n llwyddiannus. I’r sector cyhoeddus yng Nghymru, mae ITSUS yn ymgorffori buddiannau a rennir; mae ganddynt wreiddiau a buddiannau yng Nghymru, a thîm brwdfrydig sy’n angerddol am wella’r cymunedau y maent yn byw ynddynt.
Cyflawniad Ystwyth ac Ymatebol
Mae ITSUS yn cynnig dull holistaidd o ran diogelwch seiber, gan ddarparu dealltwriaeth ehangach o egwyddorion rhwydwaith a seiberddiogelwch sy’n caniatáu i gwsmeriaid elwa ar eu hatebion yn y tymor byr a’r tymor hir. Maent yn cymryd gofal i ddeall anghenion eu cwsmeriaid, gan gynnal golwg lawn ar eu rhwydweithiau a gweithio’n agos gyda phartneriaid technoleg i gynnig cefnogaeth ac arweiniad ar bob cam o’u rhaglenni trawsnewid digidol. Mae’r dull hwn nid yn unig yn ategu eu gwasanaethau gwerthu a gosod, ond hefyd yn cryfhau eu cynnig ymchwil ac arloesi, gan helpu’r cwsmer i gynllunio’n strategol ar gyfer y dyfodol.
Diwrnod yn y Bywyd: Eve North, Arbenigwraig Gynnyrch Diogelwch Seiber i Werthwyr
Cyfarfod ag Eve North, Arbenigwraig Gynnyrch Diogelwch Seiber i Werthwyr ym maes ITSUS Consulting sy’n ymroddedig i’w rôl. Mae Eve yn chwarae rhan hanfodol wrth bontio rhwng ITSUS a’i gwerthwyr sianel, gan sicrhau integreiddio llyfn o dechnolegau blaengar i atebion cwsmeriaid. Dyma Eve yn rhannu diwrnod arferol ym mywyd Arbenigwraig Gynnyrch Diogelwch Seiber i Werthwyr…
Y Bore
Mae fy niwrnod yn dechrau’r noson cynt, gyda rhestr o dasgau’n barod fel y gallaf ddechrau’n syth. Treulir y boreau’n gwirio dyfynbrisiau — y rhai rwyf wedi’u cyflwyno i ddosbarthwyr neu’u hanfon at gwsmeriaid. Yna byddaf yn gwirio e-byst am geisiadau newydd neu ddiweddariadau gan gydweithwyr, gwerthwyr a dosbarthwyr. Rwy’n mwynhau llunio cytundebau, gan ei fod yn rhoi mewnwelediad i mi i bensaernïaeth rhwydweiniau cwsmeriaid a sut mae technolegau’n rhynggysylltu i sicrhau diogelwch ac effeithlonrwydd gweithredol.
Adeiladu Perthnasau Cryf
Mae rhan sylweddol o’m rôl yn cynnwys meithrin perthnasau cryf gyda’n gwerthwyr sianel. Yn aml, mae hyn yn golygu teithio i Lundain i gyfarfod â thimau cyfrifon, adolygu dyfynbrisiau gweithredol ac archwilio ffyrdd o wella ein gwasanaethau proffesiynol. Mae’r cyfarfodydd hyn hefyd yn rhoi cyfleoedd i drafod trosglwyddo gwybodaeth a chyfleoedd dysgu i’n tîm a’n cwsmeriaid, boed hynny drwy byrth dysgu’r gwerthwyr neu sesiynau technoleg yn ein swyddfa yng Nghaerdydd.
Aros yn Gyfoes
Os oes amser, byddaf yn mynychu gweminarau gan ein gwerthwyr i gadw i fyny gyda’r cynhyrchion, gwasanaethau a strategaethau gwerthu diweddaraf. Mae hyn yn fy helpu i ddeall sut mae gwerthwyr yn ymateb i anghenion cwsmeriaid sy’n datblygu a bygythiadau seiber sy’n dod i’r amlwg. Drwy gydol y dydd, rwy’n aros mewn cysylltiad â’r cwmni drwy Viva Engage — mae hyn yn golygu y gallaf rannu gwybodaeth am gynhyrchion newydd gyda’n peirianwyr, ac y gallant hwythau gefnogi ceisiadau am offer a meddalwedd drwy gynghori ar newidiadau neu ofynion ychwanegol gan dimau peirianneg y cwsmer. Mae’r cyfathrebu hwn yn sicrhau ystwythder yn ein llif gwaith ac yn llywio anghenion hyfforddi a datblygu ein tîm.
Cynllunio’r Diwrnod Nesaf
Rwy’n dod â’r diwrnod i ben drwy gynllunio tasgau yfory, gan greu rhestr o bethau i’w gwneud i gadw’r ffocws ar gyfer y bore. Mae’r paratoi hwn yn hollbwysig ar gyfer cynnal cynhyrchiant ac yn sicrhau y gallaf ddarparu’r gefnogaeth orau i’n cwsmeriaid a’n tîm.
Cynlluniau Twf ar gyfer y Dyfodol
Ehangu ledled y DU a Gogledd America
Mae cynlluniau twf ITSUS yn canolbwyntio ar ehangu eu tîm seiber ac ar ragori ym meysydd rhwydweithiau, seilwaith a chyfathrebu i wasanaethu eu cwsmeriaid yn well. Maent yn bwriadu symud i le mwy i ddarparu ar gyfer eu gweithlu sy’n tyfu a chymhlethdod cynyddol eu labordy ymchwil a demo mewnol. Mae ITSUS yn benderfynol o aros yn Rhanbarth Prifddinas Caerdydd, sy’n cynnig ecosystem seiber ffyniannus, cyfoeth o dalent, a nifer o sefydliadau arloesol sy’n arwain y ffordd ym maes seiberddiogelwch.
Cefnogi Arloesi Lleol
Bydd eu perthnasau hirhoedlog â phrifysgolion De Cymru yn parhau i gefnogi arloesi lleol drwy bartneriaethau trosglwyddo gwybodaeth a nawriad PhD mewn meysydd allweddol o ddiogelwch seiber. Mae eu diddordebau ymchwil yn cynnwys fforensig digidol, 5G, delweddu, realiti estynedig a rhithwir, dysgu peirianyddol, dadansoddi traffig rhyngrwyd wedi’i amgryptio, a’r Rhyngrwyd Pethau.
Hyrwyddo Amrywiaeth a Chynhwysiant
Mae nodau tymor hir ITSUS yn cynnwys gwella amrywiaeth a chynhwysiant o fewn y diwydiant. Maent yn cydweithio ag ymgyrchoedd fel CyberFirst Wales a CyBOK i addysgu ac annog y genhedlaeth nesaf o arbenigwyr seiberddiogelwch. Mae’r angerdd hwn yn ymestyn i’w tîm hefyd, gan annog cyfranogiad mewn gweithgareddau sy’n cefnogi amrywiaeth mewn STEM, megis y grŵp Women in Cyber Wales a’r rhwydwaith Women Empowering Defence.
Os hoffech wybod mwy am sut y gall ITSUS eich cynorthwyo gyda’ch prosiect trawsnewid digidol nesaf, cysylltwch â’r tîm drwy anfon e-bost i sales@itsusconsulting.com.
Gadewch i ni feithrin seiberwydnwch gyda’n gilydd
Golygfeydd Clwstwr Perthnasol
Gadewch i ni feithrin seiberwydnwch gyda’n gilydd
O hyfforddi i brofi i arloesi, os ydych chi’n adeiladu rhywbeth y mae’n rhaid iddo aros yn ddiogel, rydym yn barod i’ch helpu i efelychu, dysgu, a diogelu’r hyn sy’n bwysig.
Partneriaid dibynadwy
