Datrysiadau i gryfhau eich seiberwydnwch
Darparu ymarferion digwyddiadau seiber trochi, sy’n adlewyrchu’r byd go iawn, a chymorth diogelwch TG/ Technoleg Weithredol (TW) o’r dechrau i’r diwedd, o ymgynghori a gweithredu i ddatblygu gallu SOC. Gyda chefnogaeth ymchwil sy’n seiliedig ar dystiolaeth a mewnwelediad strategol, rydym yn helpu sefydliadau i feithrin gwydnwch sy’n barod ar gyfer eu sector.
Ymarferion digwyddiadau seiber
Datblygu gallu
Ymchwil sy’n seiliedig ar dystiolaeth
Cymorth diogelwch TG/TW o’r dechrau i’r diwedd
Ymarferion Digwyddiadau
Cymorth ymarferol i gryfhau ymateb i ddigwyddiadau ar draws amgylcheddau TG a Thechnoleg Weithredol
Llwyfan Profi Seiber
Amgylcheddau TG a Thechnoleg Weithredol realistig wedi’u cynllunio ar gyfer dysgu ymarferol
Ystafelloedd Dianc Seiber
Heriau trochi, wedi’u gyrru gan stori, sy’n dod â risgiau seiber a TG/TW yn fyw
Ymgynghoriaeth Seiber
Cymorth ymarferol i asesu, diogelu a moderneiddio eich amgylcheddau TG a Thechnoleg Weithredol
Galluogi SOC
Meithrin gallu canfod a monitro parhaol ar gyfer TG, TW a Seilwaith Cenedlaethol Hanfodol
Ymchwil Strategol
Ymchwil strategol a mewnwelediadau sy’n seiliedig ar dystiolaeth ar gyfer penderfyniadau seiber
Ystafelloedd Dianc Seiber
Heriau trochi, wedi’u gyrru gan stori, sy’n dod â risgiau seiber a TG/TW yn fyw
Mae ein hystafelloedd dianc seiber yn ymgysylltu â thimau drwy senarios naratif cyfoethog lle mae pob cliw, dyfais ac arteffact rhwydwaith yn bwysig. Mae cyfranogwyr yn symud o ragchwilio corfforol i gyfaddawdu digidol ac, mewn gemau sy’n canolbwyntio ar TG/TW, yr holl ffordd drwodd i darfu ar linell gynhyrchu, gan ymarfer sgiliau fel rhagchwilio, camddefnyddio manylion mewngofnodi, symud drwy rwydweithiau, gorchymyn-a-rheoli, a chamfanteisio ar Systemau Rheoli Diwydiannol.
Gwneud sgiliau seiber craidd yn gofiadwy drwy chwarae.
Cynulleidfa: Rhaglenni allgymorth a diwrnodau seiber i ffwrdd o’r swyddfa
Ystafell ddianc 30-45 munud wedi’i chynllunio gan ganolbwyntio ar hylendid ac ymwybyddiaeth seiber sylfaenol. Mae’r heriau’n cynnwys pynciau fel:
- Diogelwch cyfrineiriau a dyfalu ar sail gwybodaeth bersonol
- Posau amgryptio a dadgryptio
- Copïau wrth gefn, ymddygiad meddalwedd wystlo ac ymateb sylfaenol i ddigwyddiadau
- Diogelwch rhwydwaith, muriau gwarchod, steganograffi a meddwl am ymosodiadau grym-bras
Eich systemau, eich bygythiadau, eich stori.
Cynulleidfa: Unrhyw sefydliad sydd am gael senario bwrpasol
Rydym yn gweithio gyda chi i ddylunio ystafelloedd dianc sy’n benodol i sectorau gan ddefnyddio eich technolegau, prosesau a modelau bygythiad. Mae enghreifftiau’n cynnwys:
- Senarios sy’n drwm ar Dechnoleg Weithredol ar lwyfannau profi grid trydanol neu olew a nwy
- Straeon sy’n canolbwyntio ar fygythiadau mewnol a pheirianneg gymdeithasol
- Ymarferion wedi’u halinio â’ch llyfrau chwarae, polisïau a nodau hyfforddi
Ymgynghoriaeth a Gweithredu
Cymorth ymarferol i asesu, diogelu a moderneiddio eich amgylcheddau TG a Thechnoleg Weithredol
Rydym yn helpu sefydliadau i gryfhau eu hamgylcheddau TG/TW drwy ymgynghoriaeth ymarferol o’r dechrau i’r diwedd a gweithredu ymarferol. Mae ein gwaith yn cynnwys asesiadau strwythuredig, adolygiadau pensaernïaeth a rhwydweithiau, defnyddio systemau monitro, a datblygu llwyfannau profi TG/TW a gaiff eu darparu i weithredu’n effeithiol mewn lleoliadau gweithredol go iawn.
Caiff pob gweithgaredd ei gyflawni mewn cydweithrediad agos â thimau peirianneg a gweithrediadau cleientiaid, gan gefnogi penderfyniadau technegol a gweithredol gwybodus. Drwy gyfuno profiad mewn peirianneg, seiberddiogelwch a sectorau, rydym yn helpu sefydliadau i ddatblygu datrysiadau sy’n cyd-fynd â’u systemau, prosesau a chyfyngiadau gweithredol.
Ymarferion Digwyddiadau
Paratoi timau i ymateb yn hyderus drwy efelychiadau argyfwng seiber trochi sy’n profi penderfyniadau, cyfathrebu a gwydnwch gweithredol dan bwysau, gan helpu sefydliadau i weithredu’n effeithiol pan fydd hynny’n bwysicaf.
Llwyfan Profi Seiber
Mae ein llwyfan profi seiber yn cyfuno systemau rheoli diwydiannol, rhwydweithiau rhithwir a llwyfannau ymarfer trochi i helpu sefydliadau i ymarfer ymateb i fygythiadau seiber go iawn mewn amgylcheddau diogel dan reolaeth.
Galluogi SOC
Meithrin gallu canfod a monitro parhaol ar gyfer amgylcheddau TG, TW a Seilwaith Cenedlaethol Hanfodol
Mae’r rhan fwyaf o sefydliadau eisiau gwelededd i’w hamgylcheddau TW ond nid ydynt yn gwybod ble i ddechrau.
Rydym yn helpu timau i sefydlu sylfaen gadarn ar gyfer monitro TG/TW drwy ddylunio pensaernïaethau, defnyddio offer ffynhonnell agored a gefnogir gan Cybersecurity and Infrastructure Security Agency (CISA) megis Malcolm, a thywys dadansoddwyr drwy beirianneg canfod, piblinellau logiau a datblygu llyfrau chwarae.
Ein ffocws yw meithrin gallu mewnol sy’n galluogi eich tîm i redeg, cynnal ac esblygu eich SOC dros amser.
Gan fod Malcolm yn ffynhonnell agored, mae sefydliadau’n ei lawrlwytho’n uniongyrchol o GitHub, sy’n golygu nad oes cofnod canolog o bwy sy’n ei ddefnyddio.
Fodd bynnag, mae gennym ddangosyddion cryf o’i fabwysiadu’n fyd-eang:
- Dros 60,000 o lawrlwythiadau (ym mis Tachwedd 2025), gyda thua 3,000 o lawrlwythiadau bob mis
- 150,000+ o ymwelwyr unigryw ar draws dogfennaeth Malcolm a safleoedd GitHub
- 30,000+ o weithiau gwylio fideos hyfforddi swyddogol ac 850+ o danysgrifwyr
- Defnydd eang ar draws sectorau TW, gan gynnwys dŵr/dŵr gwastraff, ynni, cyfleusterau’r llywodraeth a gofal iechyd
- Wedi’i ddefnyddio gan asiantaethau cenedlaethol, gan gynnwys yr Almaen, Wcráin, India a Moldova
- Wedi’i ddefnyddio ar draws endidau ffederal mawr yn yr Unol Daleithiau, megis CISA, DoE, FBI, Bureau of Reclamation, USAF, USN a Byddin yr Unol Daleithiau
- Wedi’i fabwysiadu gan fwrdeistrefi taleithiol/lleol a sawl prifysgol ar gyfer ymchwil, monitro a hyfforddi
Mae achosion defnydd yn amrywio o: fonitro parhaus ar rwydweithiau TW, hela bygythiadau’n rhagweithiol, dadansoddi ymateb i ddigwyddiadau, asesiadau gwelededd untro, integreiddio ag offer masnachol, a dadansoddi ar gyfer hyfforddi ac uwchsgilio.
Rydym yn cefnogi sefydliadau i sefydlu ac esblygu gallu monitro sy’n canolbwyntio ar Dechnoleg Weithredol, gan weithio ochr yn ochr â thimau mewnol i ddylunio pensaernïaethau, defnyddio offer a chynllunio datblygiad SOC cynaliadwy.
- Dylunio pensaernïaeth SOC, gan gynnwys gwelededd rhwydwaith, llifoedd logiau a phwyntiau segmentu
- Integreiddio ag offer a llifoedd gwaith SOC TG presennol
- Defnyddio ac integreiddio Malcolm, y gyfres monitro TW ffynhonnell agored
- Dylunio piblinellau telemetreg a logiau (e.e. Zeek, Suricata, syslog, cipio PCAP, rhestr asedau)
- Map ffordd aeddfedrwydd SOC wedi’i deilwra sy’n cwmpasu pobl, prosesau, cynnwys canfod, dangosfyrddau ac esblygiad technoleg
Rydym yn cefnogi sefydliadau i ddatblygu a mireinio gallu canfod ar gyfer amgylcheddau TW, gan weithio ochr yn ochr â thimau mewnol yn ystod ymarferion a gweithdai dan arweiniad i archwilio sut y gellir creu, profi ac esblygu canfyddiadau dros amser.
- Rhesymeg canfod ar gyfer traffig PLC a phrotocolau ICS/SCADA cyffredin
- Nodi ymddygiad anarferol a thechnegau ymosodwyr cynrychioliadol
- Defnyddio data rhwydwaith a thelemetreg i gefnogi ymchwilio a brysbennu
- Adolygu rhagdybiaethau, trothwyon a chyfyngiadau canfod
- Dangos dulliau o gynnal ac addasu canfyddiadau wrth i amgylcheddau newid
Ymchwil, Dadansoddi ac Adroddiadau Strategol
Ymchwil strategol a mewnwelediadau sy’n seiliedig ar dystiolaeth ar gyfer penderfyniadau seiber a TG/TW
Yn aml, mae angen dadansoddiad clir ac amddiffynadwy ar sefydliadau i lywio buddsoddiad, polisi a blaenoriaethau gweithredol, yn enwedig ar draws TG, TW, seilwaith hanfodol, rheoleiddio seiberddiogelwch a gwasanaethau cyhoeddus.
Rydym yn darparu ymchwil strwythuredig, asesiadau cymharol ac adroddiadau dadansoddol sy’n trosi gwybodaeth dechnegol gymhleth yn fewnwelediad ymarferol i dimau arweinyddiaeth a pheirianneg.
Mae ein gwaith yn cyfuno ymchwil seiberddiogelwch, dadansoddi rheoleiddiol, economeg digwyddiadau a gwybodaeth beirianneg TG/TW i greu adroddiadau sy’n siapio strategaeth, yn cyfiawnhau buddsoddiad ac yn cefnogi penderfyniadau cenedlaethol neu sefydliadol.
Partneriaid dibynadwy
Gadewch i ni feithrin seiberwydnwch gyda’n gilydd
O hyfforddi i brofi i arloesi, os ydych chi’n adeiladu rhywbeth y mae’n rhaid iddo aros yn ddiogel, rydym yn barod i’ch helpu i efelychu, dysgu, a diogelu’r hyn sy’n bwysig.