Rhwydwaith Niwroamrywiaeth mewn Seiber

Am y digwyddiad hwn

Dod â diwydiant, y byd academaidd, darparwyr hyfforddiant a chynrychiolwyr y trydydd sector at ei gilydd i rannu arfer gorau wrth recriwtio a chefnogi gweithwyr niwroamrywiol.

Amcangyfrifir bod 1 o bob 7 o bobl yn niwroddargyfeiriol, sef mwy na 15% o weithlu’r DU. Gall niwroamrywiaeth gynnwys awtistiaeth, Anhwylder Diffyg Canolbwyntio a Gorfywiogrwydd (ADHD), dyslecsia, dyspracsia, a syndrom Tourette.

Crëwyd yr Hyb Seiber Arloesedd (CIH) i ryddhau potensial Prifddinas-Ranbarth Caerdydd, gan greu cyflenwad o gynhyrchion seiberddiogelwch newydd o safon fyd-eang, busnesau twf uchel, a thalent â sgiliau technegol. Er mwyn helpu i sicrhau bod y cyfleoedd hyn yn hygyrch i bob unigolyn yn y gymuned, bydd CIH yn lansio Rhwydwaith Niwroamrywiaeth mewn Seiber, Cymru ym mis Tachwedd 2023.

Mae gan y rhwydwaith dri phrif darged:

1. Creu rhwydwaith o gyflogwyr a chynrychiolwyr diwydiant i rannu arfer gorau ac ymdrechu i wneud pob gweithle seiber yng Nghymru yn fwy hygyrch i’r boblogaeth niwroamrywiol, gan roi hwb i geisiadau gyda’r cwmnïau hynny.

2. Defnyddio’r wybodaeth hon a chymorth arbenigol i hyfforddi cyflogwyr a sefydliadau academaidd ar sut i wneud prosesau ymgeisio, cyfweliadau a chynefino yn niwroamrywiol gyfeillgar.

3. Hyrwyddo Seiberddiogelwch fel llwybr gyrfa i’r gymuned niwroamrywiaeth, gan ddefnyddio technegau priodol.

Bydd y cyfarfod cychwynnol hwn yn cynnwys cyflwyniadau gan Awtistiaeth Cymru a’n partneriaid sy’n gyflogwyr ynghylch beth yw niwroamrywiaeth a sut y gall cyflogwyr wneud eu gweithleoedd yn fwy hygyrch i weithwyr niwroamrywiaeth.

Darperir cinio.