Ar gyfer Entrepreneuriaid Seiber

Datrys problemau yfory, heddiw

Efallai bod gennych chi'r datrysiad seiberddiogelwch mawr nesaf ond nad oes gennych chi syniad ble i ddechrau ei fasnacheiddio - dyna lle mae ein rhaglen adeiladu menter yn dod i mewn. Ynghyd â diwydiant, rydyn ni'n gosod heriau y gallai eich syniadau eu datrys.

Beth ydych chi'n aros amdano?

Cyflwynwch eich syniad i her

Beth yw'r Rhaglen Adeiladu Menter?

Rydym yn dod â’r bobl syniadau ag arbenigedd maes seiber, ynghyd ag entrepreneuriaid â gwybodaeth fasnachol, i gydweithio, i fynd â syniad i fenter fasnachol lawn o fewn 12 mis.

Adeiladwch eich tîm

Efallai bod gennych chi syniad gwych, ond nid oes gennych yr arbenigedd i’w farchnata. Rydyn ni’n dod o hyd i’r talent gorau, ac yn adeiladu tîm o’ch cwmpas. Gan gynnwys arbenigedd masnachol, datblygu cynnyrch, neu sgiliau codio. Y ffordd honno, mae cydbwysedd cryf rhwng set sgiliau technoleg, seiber a masnachol i helpu i greu cwmni hyfyw a denu buddsoddiad.

Derbyn cyflog misol

Byddwch i gyd yn derbyn cyflog misol o £1500 a mynediad i ofod corfforol – gan ganiatáu i chi a’ch tîm ymgolli yn y daith entrepreneuraidd heb y cyfyngiadau ariannol. Gyda’ch gilydd byddwch yn mynd â sbarc cysyniad i fenter fasnachol gyflawn o fewn 12 mis, a fydd yn tyfu ac yn cynyddu ar draws y byd.

Datblygu eich cynnyrch

Mae ein gwelyau prawf o’r radd flaenaf sy’n cynrychioli dinasoedd clyfar, systemau gweithgynhyrchu, cerbydau cysylltiedig a rhwydweithiau TG rhithwir ar raddfa fawr yn cefnogi datblygu a dilysu cynnyrch. Trwy ein cysylltiadau ag Airbus, Thales a CGI, rydym yn eich helpu i brofi galw’r farchnad am eich datrysiad a mynd ati i’w farchnata.

Trowch eich gweledigaeth yn realiti. Beth ydych chi'n aros amdano?
Gwnewch gais yma trwy ein heriau agored

Felly sut mae'n gweithio?

O bryd i'w gilydd, byddwn yn rhyddhau galwadau i bartïon â diddordeb ymateb i heriau. Rydym yn hysbysebu ein heriau ar ein gwefan a chyfryngau cymdeithasol.

: Mae croeso i bawb gyflwyno eu syniadau ar sut y gallent fynd i’r afael â’r her a gyflwynir. Gallech fod yn fyfyriwr, yn academydd, neu’n wir unrhyw un sydd â syniadau mawr a’r egni i’w droi’n fenter fasnachol.
: Yn hollbwysig, rydym yn chwilio am ymatebion sy’n mynd i’r afael â’r her, sy’n newydd ac yn arloesol ac sydd â llwybr clir i’r farchnad.
: Byddwch yn cael eich partneru â thîm a recriwtiwyd gan Sefydliad Alacrity a allai gynnwys pobl â sgiliau fel peirianneg meddalwedd, dylunio cynnyrch, arbenigedd masnachol, a datblygu busnes.
: Bydd yr aelodau tîm eraill hyn yn dod yn gyd-sylfaenwyr i chi a, gyda’ch gilydd, byddwch yn gweithio i ffurfio busnes dros 12 mis y rhaglen. Byddwch i gyd yn derbyn cyflog misol o £1500 tra ar y rhaglen.

Fel buddsoddwr nid dim ond chwilio am syniadau mawr posibl yr ydym, rydym yn chwilio am syniadau sydd â photensial masnachol clir a sylweddol. Rydym yn ceisio tîm cytbwys ac nid yw hyn yn hawdd i’w gyflawni gydag arbenigedd maes yn unig.

Mae’r Hyb Arloesedd Seiber yn cyfuno arbenigedd parth mewn seiberddiogelwch â thîm masnachol sy’n rhannu ecwiti’n gyfartal fel cyd-sylfaenwyr, ac sy’n cael eu cefnogi gan raglen adeiladu menter sydd wedi’i phrofi ac sy’n gyffrous iawn i ni gan ei bod yn rhoi hwb i’r tebygolrwydd y byddwn yn gweld mwy o’r hyn yr ydym yn edrych i fuddsoddi ynddo.

Carl Griffiths Rheolwr Cronfa Banc Datblygu Cymru

Beth ydych chi'n ei gael gennym ni:

Her a arweinir gan y farchnad sy'n cynnig y cyfle i ddatblygu cynnyrch sy'n berthnasol yn y farchnad.
Cyflog o £1500 y mis i gynorthwyo gyda'ch costau byw tra byddwch ar y rhaglen.
Bod yn rhan o dîm amlddisgyblaethol a fydd yn gweithio gyda chi i ddatblygu eich syniadau yn fusnes hyfyw.
Rhaglen brofedig a fydd yn eich arwain trwy syniadaeth, datblygu a phrofi cynnyrch, marchnata a chynhyrchu refeniw.
Mynediad i'n cyfleusterau gwely prawf i helpu i brofi a dilysu eich syniadau ac i ofod ffisegol yn TramShed Tech.
Mynediad at arbenigedd ymchwil ym Mhrifysgol Caerdydd, arbenigedd diwydiant trwy ein partneriaid a phrofiad magu Sefydliad Alacrity.

Beth sydd ei angen arnom gennych chi?

Ymateb i un o'n heriau! Os oes gennych chi syniad da a fydd yn mynd i’r afael ag un o’r problemau seiber yr ydym wedi’u nodi, yna byddem wrth ein bodd yn clywed gennych.
Trwyddedu unrhyw eiddo deallusol (ED) cefndirol y byddwch yn dod gyda chi. Mae hyn er mwyn i chi ac aelodau eraill eich tîm ddefnyddio'r ED cefndir hwnnw i ddatblygu'ch syniad yn fusnes.
Bydd unrhyw eiddo deallusol a ddatblygir yn ystod y rhaglen yn cael ei gadw gan yr Hyb ar ran y tîm.
Mae'r rhaglen fagu yn para 12 mis a bydd disgwyl i chi weithio bob dydd yn rhanbarth Casnewydd/Caerdydd tra byddwch ar y rhaglen.
Os bydd yn llwyddiannus, ar ôl y rhaglen 12 mis, bydd yr ED yn cael ei ddychwelyd i'r cwmni newydd yn gyfnewid am gyfran ecwiti yn y cwmni i gydnabod y gefnogaeth a roddir gan yr Hyb.
Bydd gweddill yr ecwiti yn cael ei rannu rhwng sylfaenwyr y cwmni.

Fe wnes i herio fy hun i deithio pellter o 4000 milltir o India i’r Deyrnas Unedig y llynedd gyda’r gobaith o ehangu fy nealltwriaeth o fusnes. Y mis diwethaf, cefais y cyfle gwych hwn i fod yn rhan o’r rhaglen entrepreneuriaeth gyda’r Hyb Arloesedd Seiber i gefnogi fy mreuddwyd o ddod yn arweinydd busnes ym maes seiberddiogelwch. Gan nad oes gennyf unrhyw wybodaeth flaenorol nac arbenigedd mewn busnes, mae’r rhaglen hon wedi fy ngalluogi i ddysgu mwy yn gyflym am nodi anghenion cwsmeriaid mewn marchnad seiberddiogelwch gystadleuol, a sut i leoli atebion newydd i greu cyfleoedd busnes.