Pam ein Dewis Ni
Yn yr Hyb Arloesedd Seiber, rydym yn credu bod datblygu seiberwydnwch yn ymwneud â mwy na thechnoleg – mae’n ymwneud â phobl, ymarfer, a phartneriaeth. Rydym yn dod â sefydliadau academaidd blaenllaw, arbenigwyr yn y diwydiant, ac amgylcheddau dysgu ymarferol at ei gilydd i helpu sefydliadau i feithrin gallu go iawn, nid dim ond ticio blychau.
Sylfeini Academaidd Dibynadwy
Mae ein cyrsiau yn cael eu cyflwyno ar y cyd â Phrifysgol Caerdydd a Phrifysgol De Cymru, sy’n cael eu cydnabod gan y Ganolfan Seiberddiogelwch Genedlaethol (NCSC) fel Canolfannau Rhagoriaeth Academaidd mewn Addysg ar Seiberddiogelwch (ACE-CSE). Yn ogystal, mae Prifysgol Caerdydd yn cael ei chydnabod hefyd fel Canolfan Ragoriaeth Academaidd mewn Ymchwil ar Seiberddiogelwch (ACE-CSR), gan gryfhau sylfeini academaidd ein rhaglenni ymhellach.
Mae’r bartneriaeth academaidd hon yn sicrhau bod pob rhaglen yn seiliedig ar ymchwil drylwyr, safonau addysgu uchel, a mynediad at arloesedd blaengar ym maes seiberddiogelwch.
Arbenigedd Go Iawn
Mae ein hyfforddwyr yn dod â phrofiad blaenorol o rai o sefydliadau uchaf eu parch yn y byd – gan gynnwys PwC, EY, KPMG, a Toshiba.
Maen nhw wedi gweithio ar ddigwyddiadau go iawn, wedi diogelu systemau allweddol, ac yn deall y pwysau sy’n wynebu timau ar lawr gwlad.
Mae hyn yn golygu bod ein hyfforddiant wedi’i seilio ar realiti gweithredol, nid dim ond theori.
Tîm Ardystiedig a Hynod Gymwysedig
Mae gennym gyfuniad unigryw o academyddion a gweithwyr proffesiynol yn y diwydiant, sydd â chymwysterau ar draws lefelau BSc, MSc, a PhD.
Mae gan ein tîm amrywiaeth eang o ardystiadau sy’n cael eu cydnabod gan ddiwydiant, gan gynnwys:
- Seiberddiogelwch a Thechnegol: CISSP, CISM, CEH, OSCP, CompTIA Security
- Cwmwl a Seilwaith: Ardystiad AWS, Ardystiad Microsoft, Cisco CCNA/CCNP.
- Diogelwch Diwydiannol a Thechnoleg Weithredol: GICSP, ISA/IEC 62443, ac ardystiadau ICS/PLC sy’n benodol i’r gwerthwr.
- Addysg a Hyfforddiant: Addysgwyr cymwysedig a hyfforddwyr sydd wedi’u sicrhau gan NCSC sydd â phrofiad o weithio gyda chynulleidfaoedd yn y diwydiant a’r llywodraeth.
Mae’r cyfuniad hwn o ddyfnder academaidd, dealltwriaeth o’r diwydiant, ac arbenigedd ardystiedig yn pontio’r bwlch rhwng theori ac ymarfer, gan sicrhau profiadau dysgu o ansawdd uchel.
Cyd-fynd â Blaenoriaethau Cenedlaethol
Rydym yn gweithio’n agos gyda’r NCSC, gan gysoni ein hyfforddiant a’n mentrau â blaenoriaethau seiberddiogelwch cenedlaethol.
Wrth edrych i’r dyfodol, rydym hefyd yn datblygu partneriaethau ag amrywiaeth o sefydliadau i gefnogi seiberwydnwch ar draws sectorau seilwaith cenedlaethol hanfodol.
Mae’r broses hon o gysoni yn sicrhau bod ein gwaith yn adlewyrchu safonau cyfredol, blaenoriaethau rheoleiddio, a’r dirwedd diogelwch gwladol.
Adolygwyd gan Gymheiriaid yn y Diwydiant
Mae ein holl gyrsiau’n cael eu hadolygu gan arbenigwyr yn y diwydiant ac maen nhw hefyd wedi’u sicrhau gan NCSC.
Mae gweithwyr proffesiynol allanol ym maes seiberddiogelwch o bob sector yn rhoi adborth strwythuredig ar gynnwys, senario, a dulliau darparu. Mae hyn yn sicrhau bod ein rhaglenni’n gyfredol, yn ymarferol, a bod ymarferwyr yn ymddiried ynddyn nhw.
Dysgu Ymarferol drwy Ddulliau Ymgolli
Yn ein barn ni, y ffordd orau o ddysgu yw gwneud. Mae ein hyfforddiant yn cael ei gynnal mewn amgylcheddau realistig gan gynnwys llwyfannau profi systemau rheoli diwydiannol a rhwydweithiau wedi’u hefelychu, sy’n galluogi cyfranogwyr i wynebu heriau’r byd go iawn mewn lleoliad diogel dan reolaeth.
Boed yn ddiogelwch Technoleg Weithredol, ymateb i ddigwyddiadau, neu dechnolegau datblygol, mae ein dull gweithredu yn sicrhau bod cyfranogwyr yn magu hyder drwy brofiad.
Cydweithredol yn Fwriadol
Dydy’r un peth ddim yn addas i bawb, yn ein barn ni. Rydym yn cyd-greu rhaglenni gyda phartneriaid ar draws diwydiant, llywodraeth, a’r byd academaidd i sicrhau bod hyfforddiant yn berthnasol, yn benodol i sector, ac wedi’i deilwra i heriau sefydliadau.
Rydym yn canolbwyntio ar gydweithio hirdymor, nid darpariaeth weithrediadol.
Llwyddiant Blaenorol
Rydym wedi darparu hyfforddiant arbenigol i sefydliadau gan gynnwys Dŵr Cymru Welsh Water, National Highways, a llawer mwy.
Mae ein gwaith wedi sicrhau cyllid Innovate UK, wedi meithrin partneriaethau cenedlaethol cryf, ac wedi helpu i siapio’r gwaith o ddatblygu sgiliau seiber a seiberwydnwch ledled y DU.
Ffocws ar y dyfodol
Mae’r dirwedd seiber yn esblygu’n gyflym, fel rydym ninnau. O dechnolegau hyfforddiant ymgolli i lwyfannau profi newydd mewn sectorau, rydym bob amser yn arloesi i baratoi dysgwyr a phartneriaid ar gyfer heriau yfory.
Ymunwch â Ni
Byddem wrth ein bodd yn gweithio gyda chi – p’un a ydych chi’n awyddus i gryfhau sgiliau eich tîm, edrych ar dechnolegau newydd, neu ddatblygu gwydnwch a fydd yn para.
Gyda’n gilydd, gallwn efelychu, dysgu, a diogelu’r dyfodol.