Ymchwil yn cwrdd ag Effaith Go Iawn
CyberInvent yw ein Hacademi PhD wedi’i hariannu’n llawn, wedi’i chynllunio i helpu arloeswyr y dyfodol i droi ymchwil feiddgar yn atebion go iawn.
Mae ceisiadau bellach ar agor tan 15 Hydref 2026 ar gyfer ein derbyniad ym mis Ebrill 2027. Os ydych chi’n barod i gyfuno ymchwil o safon fyd-eang â chreu mentrau ac effaith fasnachol, byddem wrth ein bodd yn clywed gennych.
Heriau Go Iawn
Wedi’i sbarduno gan ddealltwriaeth CyberSight25, yn sicrhau bod ymchwil yn mynd i’r afael ag anghenion y diwydiant ac yn creu datrysiadau sy’n barod ar gyfer y farchnad.
Cefnogaeth o’r Dechrau i’r Diwedd
O astudiaeth Doethuriaeth i ddatblygu menter, rydym yn cynnig mentora, adnoddau, a llwybrau i fasnacheiddio.
Buddsoddi mewn Doniau
Rydym yn cefnogi ymchwilwyr uchelgeisiol gyda chyllid llawn, arweiniad arbenigol, a’r ecosystem i ffynnu.
O Ddoethuriaeth i Fenter Newydd
Mae Academi Doethuriaeth CyberInvent yn cyfuno ymchwil o’r radd flaenaf â phrosesau cyflymu entrepreneuraidd. Mae’r rhai sy’n cymryd rhan yn cael cwrs Doethuriaeth wedi’i ariannu’n llawn ym Mhrifysgol Caerdydd, goruchwyliaeth gan arbenigwyr, a hyfforddiant entrepreneuriaeth penodol. Unwaith y profir cysyniad eich ymchwil, byddwn yn adeiladu tîm o’ch cwmpas, yn eich cysylltu â mentoriaid, ac yn eich arwain trwy ein Rhaglen Datblygu Menter, gan droi ymchwil yn effaith yn y byd go iawn.
Pam Dewis CyberInvent?
Cwrs Doethuriaeth wedi’i ariannu’n llawn
Canolbwyntio ar ymchwil arloesol gydag ariantal o £19,237 am dair blynedd*
* Mae’r ariantal yn cynnwys costau myfyriwr cartref fel y’u diffinnir yma
Hyfforddiant Entrepreneuriaeth
Dysgwch y sgiliau i droi syniadau yn fentrau ffyniannus.
Llwybr Mentrau Newydd
Mynediad rhwydd at ein Rhaglen Datblygu Menter i lansio eich syniad.
Sut rydym yn gwireddu eich gweledigaeth
Cyd-fynd â her
Ewch i CyberSight25 i ddod o hyd i heriau seiberddiogelwch sy’n effeithio ar y byd go iawn. Dewiswch bwnc sy’n eich cyffroi – o Ddeallusrwydd Artiffisial Cynhyrchiol ar gyfer diogelwch i fesurau lliniaru risg trydydd parti. Mae pob prosiect yn cael ei arwain gan flaenoriaethau’r diwydiant i sicrhau effaith a pherthnasedd i’r farchnad.
Adolygu’r Gofynion Mynediad
Gwnewch yn siŵr eich bod yn bodloni’r meini prawf ar gyfer astudio cwrs Doethuriaeth ym Mhrifysgol Caerdydd. Fel arfer, mae hyn yn golygu gradd 2:1 neu radd feistr mewn cyfrifiadura neu faes cysylltiedig. Ystyrir profiad proffesiynol hefyd, ynghyd â gofynion iaith Saesneg lle bo hynny’n berthnasol.
Cyflwyno eich Diddordeb
Anfonwch eich datganiad o ddiddordeb atom gyda chynnig sy’n gysylltiedig â her CyberSight25. Ewch ati i esbonio eich gweledigaeth, a’ch dull yn glir, a pham mae hyn yn bwysig. Gallwch wneud cais yn ysgrifenedig neu drwy fideo cryno.
Eich Paru â Goruchwyliwr
Os cewch eich rhoi ar restr fer, byddwn yn eich rhoi mewn cysylltiad â goruchwyliwr o Brifysgol Caerdydd sy’n rhannu’r un ffocws ymchwil â chi. Byddwch yn elwa ar arweiniad academaidd arbenigol ochr yn ochr â mewnbwn gan fentoriaid y diwydiant.
Dechrau eich Taith
Ymunwch ag Academi Doethuriaeth CyberInvent i fod ar gwrs Doethuriaeth a ariennir yn llawn am dair blynedd. Byddwch yn cynnal ymchwil, yn cael mynediad at gyfleusterau arloesol, ac yn meithrin sgiliau entrepreneuraidd i helpu i drosi eich gwaith yn effaith yn y byd go iawn.
O Ddoethuriaeth i Fenter
Ar ôl eich cwrs Doethuriaeth, cewch gyfle i ymuno â’n Rhaglen Datblygu Menter. Byddwn yn helpu i adeiladu tîm o’ch cwmpas, yn eich cysylltu â mentoriaid a buddsoddwyr, ac yn cyflymu eich ymchwil i greu datrysiad masnachol dibynadwy.
Dechreua dy daith PhD a dy daith i adeiladu busnes.
Mae ceisiadau bellach ar agor tan 15 Hydref 2026 ar gyfer ein derbyniad ym mis Ebrill 2027.