Croeso i adroddiad blynyddol Hyb Arloesedd Seiber 2024, sy’n nodi blwyddyn anhygoel o gynnydd wrth i ni barhau â’n cenhadaeth i drawsnewid Rhanbarth Caerdydd yn glwstwr diogelwch seiber blaenllaw yn y DU.

Y llynedd, yn ein hadroddiad blynyddol cyntaf, amlinellon ni gynlluniau uchelgeisiol ar gyfer y dyfodol. Yn yr ail adroddiad hwn, rydym yn falch o rannu’r cynnydd rydym wedi’i wneud wrth gyflawni’r nodau hynny. Yn ein blwyddyn gyntaf, lansiwyd y Rhaglen Adeiladu Menter arloesol, gan gymryd 14 o entrepreneuriaid ar daith 12 mis i greu eu busnesau seiber eu hunain. Heddiw, mae tair menter newydd wedi deillio o’r garfan hwn, gan ennill tyniant a buddsoddiad sylweddol. Wrth adeiladu ar y llwyddiant hwn, mae ein hail garfan yn llawn cyflymder nawr, gan ddysgu o lwyddiannau’r flwyddyn gyntaf a thracio eu llwybrau eu hunain tuag at lwyddiant masnachol.

Mae ein tîm Sgiliau hefyd wedi gwneud effaith fawr, gan hyfforddi dros 180 o unigolion eleni. O gyflwyno cysyniadau diogelwch seiber i uwchsgilio trwy waith ymarferol, mae ein cyrsiau fforddiadwy ac ystyriol o gyd-destun yn paratoi pobl gyda’r wybodaeth a’r gallu i ymdrin â heriau’r byd go iawn. Mae rhywfaint o’n hyfforddiant bellach yn cael ei gydnabod yn genedlaethol, ac rydym wedi darparu sesiynau i gynulleidfaoedd rhyngwladol, gan dderbyn adborth rhagorol.

Roedd yn anrhydedd ennill gwobr gan Fintech Cymru ar gyfer “Y Rhaglen Academaidd Orau” ym Medi 2024, gan gydnabod ein hymdrechion i yrru arloesedd ac addysg yn y maes diogelwch seiber.

Yn ogystal, dangosom ecosystem seiber diogelwch ffyniannus y rhanbarth trwy ein cyfres “Spotlight on”, gan amlygu atebion arloesol mewn gwasanaethau rheoledig, technoleg weithredol, a mwy. Mae’r fenter hon yn atgyfnerthu enw da Prifddinas-Ranbarth Caerdydd fel canolfan arbenigedd seiber ar flaen y gad.

Wrth edrych ymlaen, mae ein ffocws yn parhau ar ehangu sector diogelwch seiber y rhanbarth, gan hybu cydweithio rhwng diwydiant, y byd academaidd a’r llywodraeth i adeiladu seilwaith digidol gwydn a chreu swyddi lleol uchel eu gwerth.

Mae lansio ein hadroddiad blynyddol i gyd-fynd â Diwrnod Diogelwch Cyfrifiaduron Cenedlaethol yn ein hatgoffa ni o’r bygythiadau parhaus yn y byd seiber. Fodd bynnag, mae’r diwrnod hwn yn fwy na dim ond adlewyrchiad ar risgiau; mae’n alwad i unigolion a sefydliadau gymryd cyfrifoldeb am eu presenoldeb ar-lein a’u diogelwch seiber. Yn CIH, rydym yn croesawu’r egwyddor hon gyda pholisi drws agored, gan groesawu’r cyfle i gydweithio gyda phobl a busnesau o bob sector. P’un a yw eich nod yw gwella eich sgiliau, datblygu atebion arloesol, neu gryfhau gwydnwch y sefydliad, rydym yma i’ch cefnogi wrth lywio’r tirlun digidol sy’n esblygu’n gyflym.

Lawr lwythwch Adroddiad Blynyddol CIH 2023/24 i archwilio llwyddiannau’r flwyddyn hon a darganfod y cyfleoedd sydd o’n blaenau. Gyda’n gilydd, gallwn ni ddiogelu dyfodol disglair, mwy arloesol.

Adroddiad Blynyddol CIH 2023/24 (pdf)

Diolch o galon i Llywodraeth Cymru a Prifddinas-Ranbarth Caerdydd, am eu buddsoddiad a’u cefnogaeth barhaus yn ehangu sector diogelwch seiber. Rhoddir cydnabyddiaeth arbennig i dîm CIH, sefydliadau, partneriaid a rhanddeiliaid cefnogol sydd wedi symud CIH ymlaen trwy ei ail flwyddyn gyda’u hymroddiad a’u hegni. Diolch am fod yn rhan o’n taith. Edrychwn ymlaen at flwyddyn arall o gydweithio a llwyddiant.